ҚЫЗЫЛОРДА. ҚазАқпарат - Қызылордада көктайғақ салдарынан 15 жолаушысы бар бағдарлық автобус аударылып қалды, деп хабарлайды ҚазАқпарат тілшісі.
Аталмыш оқыс жағдай облыс орталығынан қалаға қарасты Талсуат елді мекеніне барар жолда орын алды.
«Автобуста болған 15 жолаушыға медициналық мекемеде алғашқы дәрігерлік көмек көрсетілді. Олардың біреуі ауруханаға жатқызылды», - деп хабарлайды Қызылорда облыстық полиция департаментінің баспасөз қызметі.
Сондай-ақ, бүгін көктайғақ салдарынан қала іргесіндегі Белкөлден Қызылордаға бет алып келе жатқан КаМАЗ көлігі Жаппасбай батыр мен Сұлтан Бейбарыс көшелері қиылысындағы көпір астындағы темір қоршауға соғылды. Көлік жүргізушісі қалалық ауруханаға жеткізілді.
Естеріңізге сала кетелік, бүгін көктайғақ салдарынан зардап шеккен 70 адам аурухана қызметіне жүгінгенін хабарлаған едік.
Фото: www.instagram.com/zellokyzylorda
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.