ҚЫЗЫЛОРДА. ҚазАқпарат - Қызылорда облысында қоқыс контейнері жанынан шала туған баланың денесі табылды, деп хабарлайды ҚазАқпарат тілшісі.
Оқиға бүгін, 18 қазан күні Қармақшы ауданына қарасты Төретам кенті Жанқожа батыр көшесіндегі № 27 көпқабатты үйдің ауласында орналасқан күл-қоқыс жинайтын контейнер маңында тіркелді.
«Сол аумақтан дала сыпыратын жұмысшы қоқыс жинау барысында шала туылған бала түсік денесін көрген. Аталмыш дерек бойынша ҚР Қылмыстық кодексінің 100-бабы (жаңа туған баланы анасының өлтiруi) бойынша қылмыстық іс қозғалды. Бұл іс ҚР Ішкі істер министрлігінің Байқоңыр қаласындағы өкілдігінің сотқа дейінгі тергеп-тексеру бірінғай тізіліміне тіркелді. Ол бойынша сотқа дейінгі тергеп-тексеру әрекеттері жүргізілуде», - деп мәлім етті ҚР Ішкі істер министрлігінің Байқоңыр қаласындағы өкілдігінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.