11:00, 25 Маусым 2020

Қызылордада көлік қаққан адам қайтыс болды

ҚЫЗЫЛОРДА. ҚазАқпарат - Қызылорда облысы Қазалы ауданында белгіленбеген жерден жеңіл автокөлік қағып кеткен жаяу жүргінші қайтыс болды, деп хабарлайды ҚазАқпарат тілшісі.

Оқыс оқиға 24 маусым күні тіркелді. Адам қаққан көлік жүргізушісі ұсталды.

«Аталған оқиға бойынша Қазақстан Республикасы Қылмыстық Кодексінің 345-бабының 3 бөлігімен сотқа дейінгі тергеп-тексеру амалдары жүргізілуде. Онда автомобильді басқаратын адамның жол қағидаларын бұзып, абайсызда адам өліміне әкеп соғу жағдайы көрсетілген. Тиісті сараптамалар тағайындалды», - деп мәлім етті Қызылорда облыстық полиция департаментінің бапасөз қызметі.

Сондай-ақ, анасына қол көтерген қызылордалық қамауға алынды.

Көлік Оқиға Төтенше оқиғалар, апаттар Қызылорда Қызылорда облысы

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.