ҚЫЗЫЛОРДА. ҚазАқпарат - Қызылордада коммуналдық қызмет түрлерін цифрландыру жұмыстары басталды, деп хабарлайды ҚазАқпарат тілшісі.
«Желтоқсан айынан келесі жылдың соңына дейін жобаның І кезеңін бітіреміз. Жоспар бойынша, пилоттық жағдайда 4300-дей тұтынушы қамтылады. Болашақта әр жеке тұрғынның ақпараты біздің орталық серверге автоматты түсіп отырады,- деді «Қызылорда электр тарату тораптары компаниясы» АҚ басқарма төрағасы Мұхиджан Кәрімбаев.
Жобаның тағы бір ерекшелігі - барлық аудандардағы мәліметтер есептегіш құралдардың көрсеткіші орталық серверге келеді. Бұл дистанциялық басқару жұмыстарды жедел шешуге мүмкіндік беретін болмақ. Сондай-ақ, жаңа қызмет ең бірінші кезекте тұтынушылар үшін ыңғайлы болмақ.
Айта кетсек, Қызылордада гидроқондырғылар жұмысында цифрлық технологиялар пайдаланылады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.