ҚЫЗЫЛОРДА. ҚазАқпарат - Қызылорда қаласындағы көп қабатты үйлердің бірінен жасөспірім құлап кетті, деп хабарлайды ҚазАқпарат тілшісі.
Оқиға облыс орталығындағы көшелердің бірінде орналасқан көпқабатты тұрғын үйде болды.
Мәлім болғандай, жасөспірім алған жарақатына байланысты емдеу орнына жеткізілген. Оқиғаның мән-жайы анықталуда.
«Бұл оқиға бойынша ҚР Қылмыстық кодексінің 24-бабының 3-бөлігі арқылы 105-бабының 1-бөлігімен қылмыстық іс тіркеліп, тергеп-тексеру басталған. Онда өз-өзін өлтіруге оқталу жағдайы көрсетілген», - деп мәлім етті Қызылорда қалалық полиция басқармасынан.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.