ҚЫЗЫЛОРДА. ҚазАқпарат - Бүгін Қызылорда қаласында жол жиегіндегі қоршауды соққан көлік жүргізушісі аурухананың жансақтау бөліміне жатқызылды, деп хабарлайды ҚазАқпарат тілшісі.
Оқиға Қызылорда қаласы аумағындағы әуежайға баратын тас жол бойында орналасқан «ҚазГерМұнай» мекемесі тұсында болды. «Audi 100» көлігінің 27 жастағы жүргізуші көлікті басқара алмай қалған.
«Соның салдарынан көлік жол жиегіндегі темір қоршауды соққан. Көлік жүргізушісі облыстық медицина орталығының жансақтау бөліміне жатқызылды», - деп мәлім етті Қызылорда облыстық Полиция департаментінің баспасөз қызметі.
Бұдан бұрын Қазалыда жүк көлігі 40 ұсақ малды басып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.