ҚЫЗЫЛОРДА. ҚазАқпарат - Қызылорда облысында құтқарушылар көліктер соқтығысуы салдарынан көлік ішінде аяғы қысылып қалған адамды шығарып алды, деп хабарлайды ҚазАқпарат тілшісі.
Оқыс оқиға бүгін, 1 тамызда сағат 11.20 шамасында Жаңақорған кенті тұсындағы дариядан өтетін көпір үстінде болған. Сол аумақта «КаМАЗ» жүк көлігі мен «Toyota Carina» жеңіл көлігі соқтысып қалған.
«Оқиға барысында жеңіл көлік жүргізушісінің аяғы қысылып қалған. Құтқарушылар оқиға орнына жедел жетіп, тиісті құрылғымен оны шығарды. Сол орнында оған алғашқы медициналық көмек көрсетіліп, жедел жәрдем қызметіне табысталды», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын Қызылордада мұнай және газ қалдығының жануынан үш адамды күйік шалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.