ҚЫЗЫЛОРДА. ҚазАқпарат - Қызылордада құтқарушылар өрт арасынан 2 баланы аман алып шықты, деп хабарлайды ҚазАқпарат тілшісі.
Жергілікті 112 құтқару қызметіне тұрғын үй жанып жатқаны жөнінде хабар келіп түсті. Өрт сөндірушілер оқиға орнына дереу жетті. Мамандар барлау жұмыстарын жүргізді. Оқиға орнында газ баллоны жарылған. Қураған шөп жанып, үй алдындағы сарай, құрылыс заттары, бөренеге зиян келген. Сондай-ақ, жалын есік алдында тұрған «Ваз 2106» автокөлігін шарпи түскен.
«Оқиға орнында өрт сөндірушілердің жедел іс-әрекет етті. Осының арқасында тілсіз жау ошағынан тағы бір дана сыйымдылығы 27 литр газ баллоны шығарылды. Оқиға салдарынан жарақат алғандар жоқ. Өрттің шығу себептері мен салдары анықталу үстінде», - деп мәлім етті Қызылорда облысы Төтенше жағдайлар департаменті Өрт сөндіру және авариялық құтқару жұмыстары қызметінің баспасөз маманы Әлия Ережепова.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.