ҚЫЗЫЛОРДА. ҚазАқпарат - Қызылорда облысында жоғалған малды іздеуге шыққан екі азамат көлігімен суға батып кеткен, деп хабарлайды ҚазАқпарат тілшісі.
Оқыс оқиға Қызылорда қаласына қарасты Қараөзек ауылындағы көлде болды. Екі ер алам мал іздеуге шыққан. Оның бірі 45 жаста болса, екіншісі 56 жаста. Олар аталмыш елді мекеннен 60 шақырым қашықтықтағы жерде мал шаруашылығымен айналысқан.
«Мал іздеуге шыққан екі азамат осылайша тілсіз жаудың құрбаны болды. Хабар алғаннан кейін құтқарушылар аттандырылды. Сол жерде 2 техника мен 6 маман жұмыс жасады. Суға батып кеткен көлік жағаға шығарылды. Мамандар суға кеткендердің денесін іздестіріп жатыр», - деді Оңтүстік өңірлік аэроұтқыр жедел құтқару жасағы басшысының орынбасары Мейрамбек Доспенбетов.
Естеріңізге сала кетелік, таяуда мал іздеуге шығып адасып кеткен екі қызылордалық құтқарылған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.