ҚЫЗЫЛОРДА. ҚазАқпарат - Қызылорда облысында мал іздеуге шыққан тұрғын қатты жел тұрып, күннің күрт суытуы салдарынан адасып кеткен, деп хабарлайды ҚазАқпарат тілшісі.
Жалағаш ауданына қарасты Аламесек ауылында тұратын 46 жастағы азамат 3 қараша күні сағат 15.00-де мал іздеуге шыққан. Сол кеткеннен хабарсыз қалған азаматты құтқарушылар және жергілікті тұрғындар күшімен іздеу шаралары жүргізілді. Жоғалған азамат бір күннен кейін тоғай ішінен аман-есен табылды.
«Бүгінгі күндері Қызылорда облысында ауа-райының суыту жағдайы байқалып отыр. Сондықтан жергілікті тұрғындардың барлық сақтық шараларына назар аударуын сұраймыз», - деді облыстық жұмылдыру дайындығы басқармасы басшысының орынбасары Ғабит Жаңабаев.
Бұдан бұрын қызылордалық полицейлер қайықта ескексіз қалған балықшыны құтқарды .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.