ҚЫЗЫЛОРДА. ҚазАқпарат - Қызылорда облысында жайылымнан мал ұрлаған 51 жастағы тұрғын қолға түсті, деп хабарлайды ҚазАқпарат тілшісі.
Қазалы аудандық полиция бөліміне Әйтеке би кентінің тұрғыны арыз түсірді. Ол Абай ауылының мал жайылымынан 7 қойы мен 4 ешкісін ұрлап кеткені туралы хабарлаған.
«Аудандық полиция бөлімі қызметкерлері жедел әрекет етті. Нәтижесінде мал ұрлады деген күдікке ілінген 51 жастағы аудан тұрғыны ұсталды. Аталған дерек бойынша ҚР Қылмыстық кодексінің 188-1-бабының 1-бөлігімен (мал ұрлығы) сотқа дейінгі тергеп-тексеру амалдары жүргізілуде», - деп мәлім етті Қызылорда облыстық полиция департаментінің баспссөз қызметі.
Сондай-ақ, Қызылордада бейнебақылау камерасының көмегімен 92 қылмыстың беті ашылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.