ҚЫЗЫЛОРДА. ҚазАқпарат - Қызылордада мас күйінде жүк көлігін басқарған адам 7 жылға көлік жүргізу құқығынан айырылды, деп хабарлайды ҚазАқпарат тілшісі.
Қызылорда қалалық полиция басқармасының қызметкерлері облыс орталығындағы Жаппасбай батыр көшесінде «КаМАЗ» маркалы жүк автокөлігін тоқтатты. Нәтижесінде 43 жастағы көлік жүргізушісінің алкогольдік масаң күйде екені анықталды.
«Автокөлік айып алаңына қойылды.
Қызылорда облысының сотында ҚР Әкімшілік құқық бұзушылық туралы кодексінің 608-бабының 1-бөлігімен әкімшілік іс қаралды.
Сот қаулысымен құқық бұзушы 15 тәулікке әкімшілік қамаққа алынып, ол 7 жылға көлік жүргізу құқығынан айырылды», - деп мәлім етті Қызылорда облыстық полиция департаментінің баспасөз қызметі.
Сондай-ақ, Қызылордада жыл басынан бері 1 мыңға жуық адам мас күйінде көлік жүргізген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.