ҚЫЗЫЛОРДА. ҚазАқпарат - Қызылорда облысында жол апатынан мотоцикл жүргізушісі мен жолаушысы көз жұмды, деп хабарлайды ҚазАқпарат тілшісі.
Аталмыш оқиға Қызылорда облысы Арал ауданы аумағында орын алды. Аудан орталығы мен Жақсықылыш ауылы аралығындағы ішкі жолда Сексеуіл кентінде тұратын ИЖ маркалы мотоцикл жүргізушісі басқару жүйесіне ие бола алмай қалған. Соның салдарынан мотоцикл жолдан шығып, аударылған. Мотоцикл жүргізушісі мен жолаушысы оқиға орнында көз жұмды.
«Орын алған жол-көлік оқиғасы бойынша Қазақстан Республикасы Қылмыстық кодексінің 345-бабы, 4-бөлігімен тергеп-тексеру амалдары жүріп жатыр. Онда абайсызда екі немесе одан да көп адамның өліміне әкеліп соққан көлік құралдарын басқаратын адамдардың жол жүрісі мен көлік құралдарын пайдалану қағидасын бұзуы көрсетілген», - деді Қызылорда облыстық полиция департаментінің баспасөз қызметінің жетекшісі Гүлжаһан Қайырбергенова ҚазАқпарат тілшісіне.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.