ҚЫЗЫЛОРДА. ҚазАқпарат - Қызылорда облысында мұнай кеніші аймағында адам сүйегіне ұқсас қаңқалар табылды, деп хабарлайды ҚазАқпарат тілшісі.
Оқиға Жалағаш ауданы аумағында орналасқан «Майбұлақ» кеніші аймағында болған. Сол аумақтан адам сүйегіне ұқсас қаңқалар табылған.
«Бұл жағдайға байланысты қылмыстық іс тіркеліп, сотқа дейінгі тергеп-тексеру басталды. Оқиға орнында жедел тергеу тобы жұмыс атқаруда.
ҚР Қылмыстық-процестік кодексi 201-бабының талабына сәйкес әрі қарай сотқа дейінгі тергеп-тексеру деректерін жария етуге жол берілмейді», - деп мәлім етті Қызылорда облыстық полиция департаменті баспасөз қызметінің жетекшісі Гүлжахан Қайырбергенова.
Еске салсақ, бұдан бұрын Қызылордада мүгедектердің жәрдемақысын жымқырып, оны құмар ойындарына жұмсағандар ұсталды.
Сондай-ақ, Қызылордада халықаралық іздеуде жүрген күдікті ұсталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.