ҚЫЗЫЛОРДА. ҚазАқпарат - Қызылорда облысында мұнай және газ қалдықтары жануы салдарынан үш адам күйік шалып ауруханаға жатқызылды, деп хабарлайды ҚазАқпарат тілшісі.
Оқиға Сырдария ауданы аумағындағы «Қызылорда-Құмкөл» тас жолының бойында орналасқан «Кеңлік» кен орнындағы «Смарт Ойл» ЖШС тиесілі аумақта бүгін, 31 тамызда сағат түнгі 01.15-те болған.
«Бұл жөніндегі хабар облыстық төтенше жағдайлар департаментінің өрт сөндіру қызметіне 02.50-те келіп түсті. Өрт толығымен жойылды. Оқыс оқиғадан 1963 жылғы бір және 1997 жылғы екі адам түрлі термиялық күйікпен облыстық ауруханаға жатқызылды», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын Қызылордада балалар ойын-сауық орталығы өртенді .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.