ҚЫЗЫЛОРДА. ҚазАқпарат - Қызылорда облысында коронавирус инфекциясын қарым-қатынас арқылы жұқтырған науқастардың саны артып тұр, деп хабарлайды ҚазАқпарат тілшісі.
Соңғы тәулікте өңірде 5 адамның қатерлі індетке шалдыққаны анықталды. Олардың барлығы - Қызылорда қаласының тұрғындары.
«Науқастардың төртеуі қарым-қатынас арқылы жұқтырған. Біреуі соматикалық ауруы бойынша профилактикалық тексеру кезінде анықталып отыр», -деп мәлім етті Қызылорда облысы санитариялық-эпидемиологиялық бақылау департаментінің баспасөз қызметі.
Жыл басынан бері Қызылорда облысында 101 адам қатерлі дертке шалдыққан. Олардың 54-і қарым-қатынас арқылы жұқтырса, ол 36 адамда скринингтік тексеру нәтижесінде нақтыланды. Сондай-ақ, 11 жағдайда еліміздің өзге өңірлерінен келген азаматтар арқылы сырттан тасымалданғаны белгілі болды.
Айта кетерлігі, Қызылордада коронавирусты негізінен орта жастағы кісілер жұқтырған.
Алаңдатарлығы, Қызылордада карантин талабын бұзып, той жасайтындар азаймай отыр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.