ҚЫЗЫЛОРДА. ҚазАқпарат - Қызылорда облысында сәуір айының 18 күнінде 754 адам коронавирус жұқтырды, деп хабарлайды ҚазАқпарат тілшісі.
Қызылорда облысы қазір коронавирус инфекциясының эпидемиологиялық ахуалын бағалау матрицасында «сары аймақта» тұр. Ал Сырдария ауданы «қызыл аймаққа» кіргізілген. Облыс орталығы мен қалған аудандар «сары» және «жасыл» аймаққа енгізілген.
«Облыста қатерлі індетті жұқтырған тұрғындардың басым бөлігі қарым-қатынас арқылы жұқтырып отыр. Сондықтан олардан барлық сақтық шараларына назар аударуды сұраймыз», - деп мәлім етті облыстық санитариялық-эпидемиологиялық бақылау департаментінен.
Өткен тәулікте облыста 35 адам коронавирус жұқтырды. Оның ішінде 24-і Қызылорда қаласында тұратын болса, аудандар бойынша Жаңақорғанда -5, Шиелі мен Қармақшыда - 2, Жалағаш пен Сырдарияда - 1 адам тіркелді.
Еске салсақ, Қызылорда облысында 19 732 адам коронавирусқа қарсы вакцина қабылдады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.