ҚЫЗЫЛОРДА. ҚазАқпарат - Қызылордада жеке тұрғын үй өртеніп, оқиға орнынан екі адамның мәйіті табылды, деп хабарлайды ҚазАқпарат тілшісі.
Қызылордада бүгін, 21 қарашада сағат 17.43-те жеке тұрғын үй өртенді. Онда тұрғын үйдің едені отқа оранған.
«Оқиға орнынан екі адамның мәйіті табылды. Оның біреуі 1966 жылғы үй қожайыны болса, екінші адам оған қонаққа келген 1990 жылғы адам. Оқиға орнына төтенше жағдайлар департаменті өрт сөндіру қызметінің мамандарының шақырылған жоқ. Алдына ала жасалған болжам бойынша негізгі себеп - отты абайсызда қолдану (темекі шегу)», - дейді облыстық төтенше жағдайлар департаменті баспасөз қызметінің бас маманы Айгүл Нұрманова.
Ведомство мәліметінше, оқиға орнына департаменттен 3 қызметкер техникамен барды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.