Шараға жұмыс беруші ретінде қаладағы 30 мекеме мен кәсіпорындар 140 жұмыс орнын, ал мемлекеттік органдар 137 бос орынды ұсынды. Сонымен қатар, жәрмеңкеге қатысуға әлеуметтік жұмыс орындарынан 5 мекемеден, қоғамдық жұмыстан 4 мекемеден, «жастар тәжірибесі» бойынша 5 мекемеден ұсыныс түсті.
07:10, 10 Тамыз 2017
Қызылордада өткен жәрмеңкеде 300-ден аса бос жұмыс орны ұсынылды
ҚЫЗЫЛОРДА. ҚазАқпарат - Қызылордада ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті мен қалалық Жұмыспен қамту орталығының бірлесіп ұйымдастыруымен «бос жұмыс орындары» жәрмеңкесі өтті, деп хабарлады ҚазАқпарат тілшісі.