ҚЫЗЫЛОРДА. ҚазАқпарат - Қызылорда облысында жолдың тайғақтығынан жолдан шығып кеткен өзбекстандық жүк көлігінің жүргізушісі құтқарылды, деп хабарлайды ҚазАқпарат тілшісі.
Оқиға «Шымкент-Самара» тас жолының Қармақшы ауданы Ақтөбе ауылының тұсында болған. Ауа райының қолайсыздығы және тайғақтан өзбекстандық 45 жастағы азаматтың басқаруындағы ауыр жүк автокөлігі өздігінен жолдан шығып кеткен. Жүк көлігінің иесі айдалада жалғыз өзі қалып қойған.
«Оқиғаға байланысты жүргізушіні эвакуациялау жөнінде хабарлама келіп түсті. Қармақшы аудандық полиция бөлімінің патрульдік полиция тобы оқиғаға орнына жетті. Олардың көмегімен ауыр жүк көлігі тас жолға қайта шығарылды. Жүргізушінің сапарын одан әрі жалғастыруына мүмкіндік жасалды», - деп мәлім етті Қызылорда облыстық полиция департаментінен.
Еске салсақ, Қызылорда облысында елсіз далада қалып қойған 19 адам құтқарылды.
8
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.