ҚЫЗЫЛОРДА. ҚазАқпарат - Қызылордада полицейлер көп қабатты үй тұрғындарын өрттен құтқарды, деп хабарлайды ҚазАқпарат тілшісі.
Оқиға «Шұғыла» шағын ауданындағы №17 үйдің екінші қабатындағы 58 пәтерде болды. Өрттің шыққандығы жөнінде Қызылорда қалалық Полиция басқармасының кезекші бөліміне хабар келіп түскен.
Полицейлер оқиға орнына дереу жетті. Басқарманың Жергілікті полиция қызметі бөлімінің патрульдік полиция батальонының қызметкерлері Мұрат Қазбеков пен Сұлтан Күздікенов тұрғындарды өрттен құтқаруға шұғыл кірісті.Тұрғындарды қауіпсіз орынға эвакуациялады.
«Адамдарды апаттан құтқарып қалу – біздің қызметтік те, азаматтық та парызымыз. Біз сол сәтте ерлік жасайық, көзге түсейік деп ойлаған жоқпыз. Бар мақсатымыз – адамдарға көмектесу», – деді Сұлтан Серікболұлы.
Еске салсақ, бұдан бұрын Қызылордада біреудің ауласынан 5 млн теңгенің құрылыс заттарын ұрлаған адам ұсталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.