ҚЫЗЫЛОРДА. ҚазАқпарат - Қызылордада полицейлер белгісіз бағыттқа шығып үйіне қайта оралмаған бүлдіршінді тәулік ішінде тауып берді, деп хабарлайды ҚазАқпарат тілшісі.
Қызылордада 12 маусымда 7 жастағы бүлдіршін таңғы 8:00 шамасында үйінен белгісіз бағытқа шығып кеткен. Содан кейін үйіне қайта оралмаған.
«Бұл жөнінде жергілікті тұрғын Қызылорда қалалық Полиция басқармасының 102 арнасына хабарласқан. Онда 7 жастағы баласының ойнап жүріп, үйіне қайта оралмағаны туралы айтылған. Қызылорда қалалық Полиция басқармасының Ақсай полиция бөлімінің жеке құрамы мен ювеналды полиция бөлімшесінің қызметкерлері,Төтенше жағдайлар департаменті, Ұлттық ұлан сарбаздары және еріктілер баланы іздеуге жұмылдырылды. Полицейлер жүргізген іздеу шараларының нәтижесінде бүлдіршін аман-есен табылды, ол ата-анасына табысталды», - деп мәлім етті Қызылорда қалалық полиция басқармасынан.
Еске салсақ, бұдан бұрын Қызылордада полицей суға батып бара жатқан жігітті құтқарды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.