ҚЫЗЫЛОРДА. ҚазАқпарат - Қызылорда облысында жаппай тәртіпсіздік салдарынан шағын және орта кәсіпкерлік субъектілеріне келтірілген мүліктік залалды айқындау жөніндегі өңірлік комиссия құрылды, деп хабарлайды ҚазАқпарат тілшісі.
Облыс әкімінің қаулысымен Қызылордада жаппай тәртіпсіздік салдарынан шағын және орта кәсіпкерлік субъектілеріне келтірілген мүліктік залалды айқындау жөніндегі Өңірлік комиссия құрылды.
Комиссия төрағасы болып облыс әкімінің орынбасары Нұрлан Тілешев бекітілді. Өңірлік комиссияның жұмысын облыстық кәсіпкерлік және туризм басқармасы үйлестіреді.
Комиссия мүшелігінде мүдделі мемлекеттік орган өкілдерінен өзге Кәсіпкерлер палатасының директоры Ғалымбек Жақсылықов, Өңірлік кеңес төрайымы Гүлзағира Әбдірайымова, Өңірлік кеңес мүшесі Наталья Мишукова, облыстық мәслихат депутаттары Қайрат Боранбаев, Нұрболат Ибраев, қоғамдық ұйымдардың жетекшілері Анар Ізден, Жандос Тұсмағамбетов бар.
Еске салсақ, бұдан бұрын Қызылордада тәртіпсіздік салдарынан зардап шеккен кәсіпкерлердің тізімі жасалып жатқанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.