ҚЫЗЫЛОРДА. ҚазАқпарат - Қызылордада құтқарушылар су құбырының шұңқырына түсіп кеткен сиырды шығарып алды, деп хабарлайды ҚазАқпарат тілшісі.
Оқиға облыс орталығындағы СПМК-70 тұрғын ауданында болды.
«Су құбырының шұңқырына сиырдың түсіп кеткендігі жайында облыстық төтенше жағдайлар департаментіне хабарлама түсті. Аталған шақырту бойынша жедел құтқару жасағы оқиға орнына барды. Құтқарушылар айналма су құбыры ішіне түсіп кеткен сиырды қауіпсіз жерге шығарып берді», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Естеріңізге сала кетелік, бұдан бұрын Қызылорда облысында қора отқа оранған еді.
Оқыс оқиға Шиелі ауданы, Н. Бекежанов ауылында болды. Өрт салдарынан 30 бас жаңа туған қозы жанып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.