ҚЫЗЫЛОРДА. ҚазАқпарат - Қызылорда қаласында көп қабатты тұрғын үйдің жанында тұрған стационарлық полиция бекетінен өрт шықты, деп хабарлайды ҚазАқпарат тілшісі.
Оқиға бүгін сағат 13.41-де облыс орталығындағы Жаппасбай батыр көшесіндегі 7-үйдің жанында орналасқан стационарлық полиция бекетінен шыққан.
«Өрттен полиция бекетінің ішкі қаптамасы, компьютер, кондиционер, орындықтар, үстел және өзге де құрал-жабдықтар бүлінді. Өрт сағат 14.05-те өрт сөндіру және авариялық құтқару жөніндегі қызметінің 9 қызметкері және 2 техникасының күшімен сөндірілді», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Облыстық полиция департаментінің баспасөз қызметі оқиғаның болғанын растады. олар стационарлық полиция пунктiндегі өрт электр жүйесі ақауы салдарынан шыққанын жеткізді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.