ҚЫЗЫЛОРДА. ҚазАқпарат - Қызылордада 23 мамырда суға ағып кеткен 10 жастағы баланы іздеу жұмыстары әзірге нәтиже берер емес, деп хабарлайды ҚазАқпарат тілшісі.
Естеріңізге сала кетелік, 23 мамырда Қызылорда қаласына қарасты Тасбөгет кентіндегі каналға шомылған үшінші сынып оқушысы суға ағып кеткен. Оқыс оқиға жергілікті уақытпен сағат 18.00 шамасында болды.
«Суға батып кеткен баланы іздеу жұмыстары жалғасуда. Бұған 53 адам жұмылдырылды. Қалалық өрт сөндіру қызметінің мамандары каналдың екі жағын жер бетімен іздестіруде. Сондай-ақ, судан құтқару жасағының мамандары судың астында іздеу шараларын қолға алды. Канал бойында орналасқан екі көпір астына ау қойылған. Судың ағысы қатты. Оқиға орнында штаб құрылып, оған бүкіл ақпарат жиналуда», - деді Қызылорда облыстық төтенше жағдайлар департаментінің бастығы Омар Бержанов.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.