ҚЫЗЫЛОРДА. ҚазАқпарат - Қызылордада суицид жасауға бекінген 46 жастағы әйел құтқарылды, деп хабарлайды ҚазАқпарат тілшісі.
Оқиға 9 шілдеде сағат 19.12 шамасында болған. Сырдария өзенінің жанындағы көлде 1976 жылғы әйел суицид жасауға бекінген.
«Сол сәтте аталған аумақта жедел құтқару жасағының сүңгуірлік құтқару бөлімінің бас құтқарушысы Андрей Федосияди мен құтқару бөлімшесінің құтқарушысы Айдын Балманов оқиға барысынан хабарлар болды. Оқиға орнына дереу жетті. Азаматшаға психологиялық көмек көрсетті. Содан кейін оны жедел жәрдем және полиция қызметіне тапсырды», - деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын Қызылорда қаласында бассейнге суға түсіп, батып кете жаздаған 10 жастағы бала құтқарылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.