ҚЫЗЫЛОРДА. ҚазАқпарат - Қызылордада танысын өлтіруге оқталған күдікті қамауға алынды, деп хабарлайды ҚазАқпарат тілшісі.
Бұдан бұрын хабарлағанымыздай, Оқиға бүгін, 5 қазанда Қызылорда қаласында болған. 56 жастағы азамат атыс қаруымен 43 жастағы таныс әйелді жарақаттап , оқиға орнынан қашқан.
«Күдіктінің кім екені анықталып, полиция тарапынан жедел-іздестіру іс-шаралары жүргізілді. Күдікті қолға түсіп, уақытша ұстау абақтысына қамалды. Айғақты заттар алынды. Аталған дерек бойынша ҚР Қылыстық кодексінің 24-бабының 3-бөлігі 99-бабы 1-бөлігімен (Адам өлтіруге оқталу) сотқа дейінгі тергеп-тексеру әрекеттері жүргізілуде», - деді Қызылорда қалалық Полиция басқармасы тергеу бөлімінің бастығы Рақымжан Сұлтанқұлов.
Ведомство мәліметінше, жәбірленуші қалалық аурухананың жансақтау бөліміне жатқызылған. Оған ота жасалып, дәрігерлік бақылауға алынды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.