Қызылордада тілсіз жау үш баланың өмірін қиып кетті
08:20, 30 Қараша 2009
АСТАНА. Қарашаның 30-ы. ҚазАқпарат - Өткен жексенбі күні Қызылорда қаласы Белкөл кентіндегі жекеменшік тұрғын үйде болған өрттің салдарынан үш нәресте өлім құшты,
деп хабарлайды ҚазАқпарат ҚР ТЖМ-ның баспасөз қызметіне сілтеме жасап.
Министрліктен хабарлағандай, 13 сағат 34 минутта басталып, 56 шаршы метр аумаққа жайылған өртті сөндіру барысында 6, 4 және 2 жастағы сәбилердің денелері табылған.
Тілсіз жау 15.50-де Қызылорда облысы бойынша ТЖД өрткеқарсы қызметінің жеке құрамдағы 12 адамының және 3 техникасының күшімен ауыздықталды.