ҚЫЗЫЛОРДА. ҚазАқпарат - Қызылорда облысында төлем терминалын бұзып, ақша ұрлаған азаматша қолға түсті, деп хабарлайды ҚазАқпарат тілшісі.
Қызылорда облысы Қазалы ауданының полиция бөліміне жергілікті тұрғын арызданған. Оның айтуынша, белгісіз біреу аудандағы дәріхананың ішінде тұрған терминалды бұзып, ақша ұрлап кеткен.
«Салдарынан жәбірленушіге жалпы 2,6 млн теңгеге жуық шығын келген. Жедел іздестіру нәтижесінде, ақша ұрлығы қылмысын жасаған күдікті әйел ұсталды. Одан ешқайда кетпеу туралы қолхат алынды. Аталған дерек бойынша ҚР Қылмыстық кодексінің 188-бабы 1-бөлігімен (Ұрлық) сотқа дейінгі тергеп-тексеру әрекеттері жүргізілуде», - деп мәлім етті Қызылорда облыстық Полиция департаментінен.
Бұдан бұрын Қызылордада сатып алу заңнамасын бұзған 214 мемқызметші жауапқа тартылғанын жазған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.