Төрт ғасырдан астам уақыт ұрпақтан-ұрпаққа мирас болып келген жәдігер Арал қаласындағы ұрпақтарының бірі, зейнеткер Жеткерген Нұрғабыловтың үйінде сақтаулы. Ақсақалдың айтуынша, таза болаттан жасалған тор көзді сауыттың салмағы 10 келіден асады.
Өткен жылы Қазақ хандығының 550 жылдығына орай Айдарбек батырдың ұрпақтары оның ат үстіндегі айбынды бейнесінен ескерткіш орнатқан. Қолда бар деректерге сүйеніп тарихи-танымдық кітап шығарылған.
Батырдың ұрпақтары ақ сауытты алдағы уақытта жергілікті мұражайға тапсырмақшы.