ҚЫЗЫЛОРДА. ҚазАқпарат - Қызылорда облысы Жаңақорған ауданында түн ішінде қоғамдық орында тәртіпсіздікке жол берген оннан астам жасөспірім полицияға жеткізілді, деп хабарлайды ҚазАқпарат тілшісі.
Оқиға аудан орталығындағы сапаржай маңында болған. Сол аумақта белгісіз азаматтар түнгі сағат 2.00 шамасында автотұрақта тұрған автокөлікке тас лақтырып, зақымдаған. Одан бөлек, тұрақ жанындағы ғимаратта орналасқан дүкенге де материалдық шығын келтірілген.
«Жүргізілген жедел шаралар нәтижесінде күдікті ретінде аудан тұрғыны полицияға жеткізілді. Одан басқа тағы 10 адам полицейлер алдында жауап берді. Жарақат алғандар жоқ. Бұл дерек бойынша ҚР Қылмыстық Қылмыстық кодексінің 293-бабының 2-бөлігі 1-тармағы бойынша (Бұзақылық) сотқа дейінгі тергеп-тексеру амалдары басталды. Оқиғаның орын алу себептері мен мән-жайлары анықталуда», - деп мәлім етті Қызылорда облыстық полиция департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.