ҚЫЗЫЛОРДА. ҚазАқпарат - Қызылорда қаласына қарасты Белкөл кентіндегі тұрғын үйде өрт шығып, екі адамды түрлі деңгейде күйік шалды, деп хабарлайды ҚазАқпарат тілшісі.
Өрт салдарынан 46 жастағы азаматтың денесінің 5-10 пайызын күйік шалып, жағдайы орташа деп есептелді. Ал, 20 жастағы жігіттің денесінің 50-60 пайызы жарақаттанып, жағдайы ауыр деп бағаланып отыр.
«Жарақат алған азаматтар облыстық медицина орталығына жатқызылды. Дәрігерлердің қарауынан кейін 1974 жылғы азамат үйіне қайтарылды. Өртенген үй тұрғындары уақытша туыстарының үйіне орналастырылды», - деп мәлім етті облыстық төтенше жағдайлар департаменті Өрт сөндіру және авариялық-құтқару жұмыстары қызметі.
Бұдан бұрын Қызылорда облысы Жаңақорған ауданында тұрғын үй отқа оранғанын жазған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.