16:40, 24 Наурыз 2020

Қызылордада университет ғимаратының шатыры ұшып кетті

ҚЫЗЫЛОРДА. ҚазАқпарат - Қызылордада қатты желдің әсерінен «Болашақ» университетінің ескі ғимаратының шатыры ұшып кетті, деп хабарлайды ҚазАқпарат тілшісі.

«Төтенше оқиға Қызылорда қаласында бүгін, 24 наурыз, сағат 12..00 шамасында орын алған. Қатты желдің салдарынан Абай даңғылы №31 «А» мекен-жайда орналасқан «Болашақ» университетінің шатыры ұшқан. Оның көлемі 300шаршы метрді құрайды. Адам шығыны мен зардап шеккендер жоқ. Оқиға орнына Төтенше жағдайлар департаментінен - 12 адам, 2 техника, облыстық жұмылдыру дайындығы басқармасынан - 1 техника, 3 адам келді», - деп мәлім етті облыстық жұмылдыру дайындығы басқармасы.

Оқиға Төтенше оқиғалар, апаттар ҚР Төтенше жағдайлар министрлігі Қызылорда Қызылорда облысы

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.