ҚЫЗЫЛОРДА. ҚазАқпарат - Қызылорда облысында коронавирусқа қарсы вакцина салдырған тұрғындар саны 39601 адамға жетті, деп хабарлайды ҚазАқпарат тілшісі.
Айта кетерлігі, тұрғындар ресейлік «Спутник V» және қазақстандық «QazCovid» вакциналарын салдыруға ниет білдірді. Бүгінгі күнге дейін «Спутник V» вакцинасының 56300 дозасы жеткізіліп, оның 38942 дозасы игерілді. Аталған вакцинаның 29700-і облыс орталығындағы емханаларға таратылып, 20802-і пайдаланылды. Ал «QazCovid» әзірге тек Қызылорда қаласы тұрғындарына салынуда.
«Қазіргі таңда қатерлі індетке екпе қабылдаған азаматтар қатарында облыс орталығы тұрғындары 21161 адамды құраса, ол аудандарда 18440 адамға жетті. Айта кетерлігі, күннен-күнге вакцина салдырушылар қатары артып келеді. Мәселен, 30 сәуірде 6832 адам сол тізімге енгізілді», - деп мәлім етті Қызылорда облыстық денсаулық сақтау басқармасынан.
Еске салсақ, Қызылордада карантин талабына байланысты жаңа қаулы күшіне енді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.