ҚЫЗЫЛОРДА. ҚазАқпарат - Қызылорда облысында заңсыз ойын бизнесін ұйымдастырғандар қатары артып тұр. Соңғы екі жылда бұл бойынша 88 қылмыстық іс тіркелген. Бұл жөнінде Қызылорда облыстық прокуратурасы мәлім етті, деп хабарлайды ҚазАқпарат тілшісі.
Соңғы екі жылда Қызылорда облысында заңсыз ойын бизнесін ұйымдастыру бойынша 88 қылмыстық іс тіркелді. 94 адам сотталды. Заңсыз айналымнан 200-ден астам ойын автоматтары тәркіленіп, жойылған.
Келтірілген мәліметтер облыстық прокуратураның құқық қорғау және арнайы органдар қызметкерлерінен құрылған мобильді топ жұмысының нәтижесі болып табылады. Жедел-іздестіру шараларының барысында Қазалы ауданы және Қызылорда қаласының аумағында заңсыз ойын мекемелерінің желісін ашқан қылмыстық топ анықталған.
Бұдан бұрын Қызылордада заңсыз ойын бизнесін ұйымдастырғандар жазаланғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.