ҚЫЗЫЛОРДА. ҚазАқпарат - Қызылордада жалған ақша жасағандар жазаға тартылды, деп хабарлайды ҚазАқпарат тілшісі.
Аталған қылмыстық іс Қызылорда қалалық сотында қаралды. Жалған ақша жасаумен екі азамат айналысқан. Олар өздерінің ойларын іске асыру үшін қала орталығынан пәтер жалдаған. Осының нәтижесінде олар 10 мың теңге мен 100 доллар бейнесінде жалған банкноттар жасаған. Бұл азаматтар аталған қылмыстық ісін сот барысында мойындады.
«Тергеп-тексеру барысында күдіктілер өз кінәлерін толық мойындады. Осындай деректерді негізге ала отырып, оларға тиісті жазалар тағайындалды», - деді қалалық соттың судьясы Аңсат Сұлтанбеков.
Қалалық сот үкімімен сотталушы Ш деген азамат 5 жыл үш ай, ал тағы бір З. есімді сотталушы 5 жыл бас бостандығынан айрылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.