ҚЫЗЫЛОРДА. ҚазАқпарат - Қызылорда қаласында жеңіл автокөлік аялдамаға соғып, оны қиратып тастады, деп хабарлайды ҚазАқпарат тілшісі.
Оқиға облыс орталығындағы Қорқыт ата және С.Торайғыров көшелерінің қиылысында болды. «Mercedes-Benz» көлігінің иесі жолдың оң жақ жиегіндегі аялдамаға барып соққан.
«Көлік жүргізушісі оқиға орнынан кетіп қалған. Полицейлер оның кім екендігін анықтады. Көлік айып алаңына қойылды. Көлік жүргізушісі ҚР Әкімшілік құқық бұзу туралы кодексінің үш бабы бойынша жауап беріп, айыппұл төлейді», - деп мәлім етті Қызылорда облыстық полиция департаментінің баспасөз қызметі.
Сондай-ақ, Қызылордада жол-көлік оқиғасы болып, бір жүргізуші мылтықпен оқ атқан.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.