ҚЫЗЫЛОРДА. ҚазАқпарат - Қызылорда қаласында жеңіл көлік жүргіншілер жолағында адам қағып кетті, деп хабарлайды ҚазАқпарат тілшісі.
Бұл оқиға кеше, 21 қазанда сағат 20.30 шамасында Қызылорда қаласы Абай даңғылы бойында болған. Сол сәтте «Mercedes-Benz» маркалы автокөлік жүргіншілер жолағында өтіп бара жатқан жаяу кісіні қағып өткен. Соның салдарынан ол қалалық аурухананың «травматология» бөлімшесіне жатқызылды.
«Аталған дерек бойынша ҚР Қылмыстық Кодексінің 345-бабының 2-бөлігімен сотқа дейінгі тергеп-тексеру амалдары жүргізілуде. Онда абайсызда адамның денсаулығына ауыр зиян келтiруге әкеп соққан жол жүрісі қағидаларын бұзу жағдайы көрсетілген. Сараптамалар тағайындалды», - деп мәлім етті Қызылорда облыстық полиция департаментінің баспасөз қызметінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.