ҚЫЗЫЛОРДА. ҚазАқпарат - Қызылордада жергілікті тұрғынның шетелдік көлігін ауласында тұрған жерінен айдап алып кеткен күдікті қолға түсті, деп хабарлайды ҚазАқпарат тілшісі.
Бұл жөнінде Байқоңыр қаласының тұрғыны полицияға арызданған еді. Осы бағытта Қызылорда облысының Полиция департаменті патрульдік полиция ротасының қызметкерлері арнайы іс-шара жүргізді.
«Нәтижесінде республикалық маңызы бар трассаның Қазалы ауданындағы тұсында көлік құралын заңсыз иемденіп кеткен 41 жастағы, бұрын сотты болған күдікті ұсталды. Осы дерек бойынша ҚР Қылмыстық кодексінің 200-бабының 1-бөлігімен сотқа дейінгі тергеп-тексеру амалдары жүргізілуде. Онда втомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (айдап кету) жағдайы көрсетілген. Оқиғаның мән-жайлары анықталуда», - деп мәлім етті Қызылорда облыстық полиция департаментінің баспасөз қызметі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.