ҚЫЗЫЛОРДА. ҚазАқпарат - Қызылордада үйінен шығып кеткен 15 жастағы қыз Өскемен қаласынан табылды, деп хабарлайды ҚазАқпарат тілшісі.
Қызылорда қаласының Полиция басқармасына 7 қараша күні жергілікті тұрғын хабарласқан. Онда 2005 жылы дүниеге келген қызының туыстарына барып, одан әрі қарай белгісіз бағытқа шығып кеткені айтылған. Содан үйіне қайтып оралмаған.
«Жоғалған қызды іздестіру үшін мобильді топ құрылды. Топ құрамына учаскелік полиция инспекторлары мен криминалдық полиция қызметкерлері енгізілді. Сондай-ақ полицияның қосымша күштері тартылды. Іздестіру іс-шараларының нәтижесінде жасөспірім қыздың досымен кездесу үшін Өскемен қаласына жолға шығып кеткені анықталды. Қазір оның ата-анасы Өскемен қаласына аттанды», - дп мәлім етті Қызылорда облыстық полиция департаментінің баспасөз қызметі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.