ҚЫЗЫЛОРДА. ҚазАқпарат – Қызылорда облысы Қазалы ауданының полицейлері кешкі уақытта жоғалған 3 жасар баланы тауып берді, деп хабарлайды ҚазАқпарат тілшісі.
Қазалы аудандық полиция бөліміне аудан тұрғыны аулада ойнап жүрген ұлының жоғалғаны туралы хабарлаған. Полицейлер дереу іздестіру жұмыстарын бастады.
«Полицейлер жақын маңдағы барлық аумақты шолып шықты. Көрші үй аулалары, ойын алаңдары назарға алынды. Жоғалған бала аудан орталығының шеткі көшесінің бірінен табылды. Ювеналды полиция қызметкерлері ата-анасымен профилактикалық бағыттағы түсіндірме жұмыстарын жүргізді», - деп мәлім етті Қызылорда облыстық Полиция департаментінің баспасөз қызметінен.
Сондай-ақ, Қызылордада жоғалып кеткен 7 жасар бала өзен жағасынан табылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.