ҚЫЗЫЛОРДА. ҚазАқпарат - Қызылордада бірнеше күн бұрын жоғалған 14 және 16 жастағы екі жасөспірім қыз Шымкенттен табылды, деп хабарлайды ҚазАқпарат тілшісі.
Кәмелетке толмаған балаларды бейімдеу орталығында тәрбиеленіп жатқан екі жасөспірім қыз 8 қараша сағат 09:00 шамасында белгісіз бағытқа шығып, қайта оралмаған.
Бұл жөнінде қалалық полиция басқармасына хабарлама келіп түсті.
«Қызылорда қалалық полиция басқармасының қызметкерлері бірнеше күн іздестіру жұмысын жүргізді. Нәтижесінде жасөспірімдер Шымкент қаласынан аман-есен табылды. Қазіргі таңда жасөспірімдер қалаға жеткізілді. Олармен профилактикалық жұмыс жүргізіліп жатыр», - деп мәлім етті Қызылорда қалалық полиция басқармасынан.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.