ҚЫЗЫЛОРДА. ҚазАқпарат - Қызылорда қаласында екі күннен бері хабарсыз кеткен 14 және 16 жастағы жасөспірім қыздар Алматыдан табылды, деп хабарлайды ҚазАқпарат тілшісі.
«Полиция қызметкерлері мен туыстары іздестіру жұмыстарын жүргізді. Нәтижесінде, олар Алматы қаласынан табылды. Қызылорда қалалық Полиция басқармасының қызметкерлері жасөспірімдерді Қызылордаға жеткізіп ата-анасына табыстау үшін Алматы қаласына іссапарға жіберілді», - деп мәлім етті Қызылорда қалалық Полиция басқармасының баспасөз қызметінен.
Айта кетсек, облыс орталығында тұратын екі жасөспірім қыз 1 маусымда қалалық демалыс орнына қыдырып кеткен. Содан үйлеріне қайта оралмаған. Оларға іздеу жарияланған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.