ҚЫЗЫЛОРДА. ҚазАқпарат - Қызылордада екі күн бұрын жоғалып кеткен 14 жастағы жасөспірім қыз аман-есен табылды, деп хабарлайды ҚазАқпарат тілшісі.
21 сәуірде 14 жастағы жасөспірім қыз түнгі 21:30 шамасында үйінен белгісіз бағытқа шығып кеткен. Содан кейін үйіне қайта оралмаған. Бұл жөнінде жасөспірім қыздың анасы Қызылорда қалалық Полиция басқармасына хабарласты. Алғашқыда отбасы мүшелері өздері іздестіру жүргізеді. Одан еш кәтиже шықпайды. Олар полиция көмегіне жүгінеді.
«Жоғалған жасөспірімді табуға басқармаға қарасты Ақсай полиция бөлімі бүкіл жеке құрамы мен ювеналды полиция бөлімшесінің қызметкерлері жұмылдырылды. Кейін 14 жастағы жасөспірім қыз облыс орталығынан табылды»,
- деп жазылған басқарма таратқан хабарламада.
Еске салсақ, бұдан бұрын мал сатып алуға кеткен Қызылорда тұрғыны 2 айдан бері іздестірілуде екенін хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.