ҚЫЗЫЛОРДА. ҚазАқпарат - Қызылорда қаласында екі жеңіл көлікт соқтығысып, 3 адам ауруханаға түсті, деп хабарлайды ҚазАқпарат тілшісі.
Оқиға 14 ақпанда Н.Назарбаев даңғылының бойында болды. Қызылорда қаласында тұратын 46 жастағы азамат өзінің иелігіндегі «Hyundai Accent» автокөлігімен Әбдіреев көшесіне қарай солға бұрылмақ болған. Сол сәтте басты жолда келе жатқан «BMW-520» маркалы автокөілігіне жол бермей, соқтығысқан.
«Жол-көлік оқиғасынан «Hyundai Accent» автокөлігі жол жиегіндегі жарық бағанасына соғылды. Осының салдарынан 3 адам медицина орталығына жеткізілді. Қазіргі таңда жол-көлік оқиғасы заң талабына сай рәсімделіп, кінәлі жүргізушіге қатысты ҚР Әкімшілік құқық бұзушылық туралы кодексінің 610-бабының 2-бөлігімен әкімшілік хаттама толтырылып, жинақталған құжаттар тиісті шешім қабылдау үшін сотқа жолданды», - деп мәлім етті Қызылорда қалалық полиция басқармасынан.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.