ҚЫЗЫЛОРДА. ҚазАқпарат - Қызылорда облысында ауа райының қолайсыздығынан жүк көлігі мен жеңіл көліктер жолдан шығып кетіп, аударылып қалды, деп хабарлайды ҚазАқпарат тілшісі.
Оқиға Қармақшы ауданында ауданы аумағында «Шымкент-Самара» тас жолының бойында болды. Ауданға қарасты Елшібай бекетінің тұсында жолдың тайғақ болуынан жүк көлігі мен жеңіл көліктер жолдан шығып кетіп, аударылып қалған.
«Жүк көлігінің иесі Тәжікстанның 35 жастағы азаматы Абдусаттор Абдукаримов екені анықталды. Ол өзі басқарып келе жатқан «Mercedes-Benz» жүк көлігімен жолдан шығып кеткен. Оған Қармақшы аудандық полиция бөлімінің қызметкерлері көмекке келді. Тәжікстандық жүргізуші полицейлерге алғысын білдірді», - деп мәлім етті Қызылорда облыстық полиция департаменті баспасөз қызметінен.
Еске салсақ, бұдан бұрын Қызылордалық полицей отқа оранған үйден газ баллонын алып шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.