ҚЫЗЫЛОРДА. ҚазАқпарат - Қызылорда қаласына қарасты Белкөл кентінде «КаМАЗ» жүк көлігі 4 және 5 жастағы екі қызды қағып кетті. Ауыр жарақаттан бүлдіршіндер оқиға орнында көз жұмды, деп хабарлайды ҚазАқпарат тілшісі.
Аталмыш оқиға кешкі сағат 20.00-дер шамасында болған.
«Қазіргі таңда күдікті ұсталды. Күдіктінің үстінен ҚР Қылмыстық кодексінің 345-бабының 4-бөлігімен және 347-бабымен сотқа дейінгі тергеп-тексеру амалдары жүргізілуде. Ол Қызылорда қалалық Полиция басқармасының уақытша ұстау абақтысына қамалды. Тиісті сараптамалар тағайындалып, оқиғаның мән-жайлары анықталуда», - деп хабарлайды облыстық Полиция департаменті.
Бұдан бұрын Қызылордада жол-көлік оқиғасынан мотоцикл жүргізушісі көз жұмғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.