00:13, 08 Қыркүйек 2019

Қызылордада жүргіншілер жолында көлік адам қақты

ҚЫЗЫЛОРДА. ҚазАқпарат - Қызылорда қаласындағы Қорқыт ата көшесі бойында жеңіл көлік жүргіншілер жолында жолаушыны қағып кетті, деп хабарлайды ҚазАқпарат тілшісі.

«Зардап шеккен азаматша медициналық мекемеге жеткізілді. Автокөлік жүргізушісінің үстінен ҚР Әкімшілік құқық бұзушылық туралы кодексінің 610-бабының 2-бөлігімен әкімшілік хаттама рәсімделді», деп мәлім етті Қызылорда облыстық полиция департаменті баспасөз қызметінен.

Бұған дейін Шиеліде бидай тиелген жүк көлігінің тіркемесі өртеніп кеткенін хабарланған болатын.


Оқиға Қызылорда Қызылорда облысы
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.