03:00, 25 Маусым 2023

Қызылордада журналистер арасында шағын футболдан республикалық турнир өтті

ҚЫЗЫЛОРДА. ҚазАқпарат - Қызылордада журналистер арасында шағын футболдан республикалық турнир өз мәресіне жетті, деп хабарлайды ҚазАқпарат тілшісі.

Республикалық турнирге жиналған журналистер Қызылорда қаласы әкімінің Кубогін сарапқа салды.

Жарысқа Астана, Шымкент, Қызылорда қалалары, Атырау, Түркістан облыстарынан барлығы 8 команда қатысты.

Топтық кезеңнен кейін сүрінбей өткен «Қазмедиа», «Qaz365.kz» және «Атырау», «Шымкент» командалары жартылай финалға шықты.

Олардың арасынан бас жүлдені сарапқа салған «Қазмедиа» «Qaz365.kz» командасын жеңіп, республикалық турнирдің чемпионы атанды. Олар 1 000 000 теңге қаржылай сыйлықпен марапатталды. Екінші орын алған «Qaz365.kz» 700 мың, қола жүлдегер атанған «Атырау» 350 мың теңгеге қол жеткізді.

Турнирдің «Үздік ойыншысы» номинациясымен 6 гол салған атыраулық Қайсар Жетпісбай марапатталса, «Қоғам ТВ» командасының ойыншысы Ержан Батыршаев «Үздік шабуылшы» деп танылды.

Ал «Шымкент» командасының ойыншысы Айбек Қабылша «Үздік қақпашы» атанса, түркістандық Самат Сүлей «Үздік қорғаушы» номинациясымен марапатталды.


Спорт Футбол Қоғам
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.